Balyq sharýashylyǵy komiteti Qarasý ózeninde balyqtardyń qyrylýyna qatysty málimetti jariialady, dep habarlaidy "Ult aqparat".
«14 sáýirde «Zaisan-Ertis» oblysaralyq balyq sharýashylyǵy basseindik inspektsiiasynan Pavlodar oblysy Potanino kentiniń mańynda Ertis ózeninen bólinip shyqqan Qarasý sý aidynynda balyqtyń qyrylǵany týraly habarlama kelip tústi. Sol kúni inspektsiia qyzmetkerleri Pavlodar oblysy boiynsha ekologiia departamentimen, Pavlodar oblysynyń jer qoinaýyn paidalaný, qorshaǵan orta jáne sý resýrstary basqarmasymen jáne «Balyq sharýashylyǵy ǴÓO» JShS Altai filialymen birlesip osy sý aidynyna tekserý júrgizdi», delingen habarlamada.
Barlyǵy 200 kelidei óli móńke balyǵy jinalǵan.
«Zerthanalyq zertteýler júrgizý úshin sý synamalary irikteldi. Qazirgi boljam boiynsha, balyqtyń qyrylýyna qysta sýda otteginiń bolmaýy sebepshi bolǵan. Pavlodar oblysynyń ekologiia departamenti men «Balyq sharýashylyǵy ǴÓO» JShS mamandary balyqtary birazyn soiyp, patologiianyń joqtyǵy jáne ólimniń basqa sebepteri joq ekenin anyqtady», delingen habarlamada.
Jinalǵan balyq sanitarlyq normalardy eskere otyryp joiyldy.
