Pavlodar oblysynda jolaýshylar toly avtobýs órtendi. Oqiǵa ornynda Pavlodar qalasy TJB jáne órt zerthanasy jumys isteýde, dep habarlaidy Ravlodarnews.kz.
Oblystyq TJD baspasóz qyzmetiniń málimetinshe, Pavlodar – Lenin kenti tas jolynda № 38 markaly MAZ avtobýsynan órt shyqqan.
- Kólik № 1 avtobýs parkine tiesili. Jalyn 15 sharshy metr alańdy qamtyǵan. Órt týraly habarlama saǵat 08.49-da tirkelip, saǵat 09.07-de tolyqtai sóndirildi, - deidi vedomstvoda.
Kólikte bolǵan 40 adam ózdiginen syrtqa shyqqan. Qaza bolǵandar men zardap shekkender joq. Tilsiz jaýdyń shyǵý sebebi men keltirilgen shyǵyn kólemi anyqtalýda.
Órtti sóndirýge AQJ jáne órt sóndirý qyzmetinen eki tehnika men toǵyz adam jumyldyryldy.
