Pavlodar oblysynda 5 qazanda joǵalǵan aǵaiyndylardyń taǵy biriniń denesi Aqjol aýylynan 25 shaqyrym jerdegi daladan tabyldy, dep habarlaidy QazAqparat.
«26 qazan kúni saǵat 16:20-da Aqjol aýylynan 25 shaqyrym jerdegi daladan aǵaiyndylardyń ekinshisiniń denesi tabyldy. Ol 1985 jyly týǵan. Denesinde zorlyq-zombylyq belgileri joq. Saraptama taǵaiyndaldy», - dep málim etti Pavlodar oblysy Politsiia departamentiniń baspasóz qyzmetinen.
Eske salaiyq, 19 qazan kúni Aqsý qalasynyń politsiiasyna Ekibastuz turǵyny habarlasyp, eki aǵaiyndynyń iz-túzsiz joǵalyp ketkeni týraly aitty. Olardan 5 qazannan beri habar-oshar bolmaǵan. 25 qazan kúni aǵaiyndylardyń biriniń múrdesi tabyldy. Saraptama qorytyndysy boiynsha ólim sebebi – aǵzanyń sýyqtap qalýy.
