Pavlodar janyndaǵy Kenjekól jáne Baidala aýyldarynyń arasynda jól-kólik apaty boldy. Apat saldarynan bes eresek adam jáne eki bala zardap shekti, dep habarlaidy "Ult aqparat".
Jedel járdem qyzmetiniń úsh mashinasy apat bolǵan jerge tórt minýtta jetti. Zardap shekkender birinshi qalalyq aýrýhanaǵa jetkizildi.
«Úsh avtokólik soqtyǵysynan jeti adam zardap shekti. Jol-kólik oqiǵasy Kenjekól jáne Baidaly aýyldarynyń arasynda boldy», - dep oblystyq jedel járdem stantsiiasynyń baspasóz qyzmeti habarlady.
Dárigerlerdiń málimdeýinshe, 103 qyzmetiniń úsh meditsinalyq brigadasy birinshi jedeldilik sanaty boiynsha oqiǵa bolǵan jerge tórt minýtta jetken. Soqtyǵysqan kólikter ishinde bolǵan jeti jolaýshy ártúrli jaraqatpen №1 Pavlodar qalalyq aýrýhanasyna jetkizildi.
«Olar 1980, 1989 jáne 1990 jyldary týǵan úsh er adam, 1987 jáne 1989 jylǵy eki áiel adam, olarmen birge 2008 jáne 2010 jylǵy eki bala», - dep málimdedi jedel járdemniń baspasóz qyzmetinen.
