Pavlodar oblysynyń bas memlekettik sanitariia dárigeri Batyrbek Áliev óńir oqýshylarynyń 4-toqsandaǵy oqýyna qatysty qaýly qabyldady, dep habarlaidy "Ult aqparat".
Atalǵan qujatqa sáikes, QR Bas memlekettik sanitar dárigeriniń 2021 jylǵy 25 naýryzdaǵy №12 qaýlysynyń talaptaryn saqtai otyryp, barlyq synyp oqýshylaryna arnalǵan jalpy bilim beretin mektepterde synyptardaǵy balalar sanyn 25 adamnan asyrmai aralas formatta oqytýǵa, 300 adamǵa deiingi kontingenti bar qalalyq jáne aýyldyq mektepterde dástúrli formatta oqytý balalar sanyn 25 adamnan asyrmai ruqsat beriledi.
Sonymen qatar bilim berý mekemesi ákimshiliginiń sheshimimen oqýshylardy sabaqtan tys ýaqytta 15 adamnan aspaityn toptarda jeke oqytýǵa bolady.
Atalǵan qaýly 2021 jyldyń 1 sáýiri kúni saǵat 00:00-den bastap kúshine enedi.
