Pavlodar oblysynda júk kóligin tizgindegen mas júrgizýshi turǵyn úige soǵyldy, - dep habarlaidy Polisia.kz.
27 qyrkúiek saǵat 13:50 shamasynda Shacman júk kóliginiń 45 jastaǵy júrgizýshisi Pavlodar oblysynyń Shiderti kentindegi Jastar kóshesindegi eki qabatty turǵyn úige soǵylǵan. Tekserý kezinde ol ortasha dárejede mas bolǵany rastalǵan.
"Úige materialdyq shyǵyn keltirildi. Sol ýaqytta turǵyn úide eshkim bolmaǵan. Avtokólik júrgizýshisi qajetti kómek alý úshin Ekibastuz qalasynyń aýrýhanasyna jetkizildi, sebebi dene jaraqatyn alǵan. Keltirilgen zalal mólsheri anyqtalyp jatyr. Kólik Shiderti kentinde jumystardy oryndaityn merdiger uiymǵa tiesili. Avtokólik arnaiy aiypturaqqa qoiyldy. Bótenniń múlkin abaisyzda joiý nemese búldirý deregi boiynsha sotaldy tergeý júrgizilip jatyr", - dedi Pavlodar oblysy Ekibastuz qalasy PB Patrýldik politsiia rotasynyń komandiri Azamat Kúrkebaev.
Aita ketý kerek, biyl Pavlodar oblysynyń aýmaǵynda 318 JKO tirkelip, 50 adam kóz jumǵan jáne 501 adam jaraqat alǵan. Al mas júrgizýshilerdiń kinásinen jeti JKO tirkelip, saldarynan úsh adam mert boldy, 23 adam túrli jaraqat aldy.
