Reid kezinde Aqtoǵai aýdanynyń politseileri «Aqtoǵai-Sholaqsor» avtojolynda aqsýlyq turǵynnyń «Honda CR-V» avtokóligin toqtatty, dep habarlaidy "Ult aqparat" pavlodarnews.kz silteme jasap.
Pavlodar oblystyq politsiia departamenti baspasóz qyzmetiniń málimdeýinshe, kóliktiń salonynda eliktiń tutas eti, 10 keli balyq, tórt úirek pen ańshylyq qarýy bolǵan.
«Tekserý barysynda elikti atýǵa ruqsat qujaty joq ekeni anyqtaldy. Sonymen qatar ereje boiynsha elikti qoryqshyny ertip júrip qana aýlaýǵa ruqsat etiledi. Er adam zańsyz balyq aýlaǵan, sebebi bir adamǵa tek 5 keli ǵana balyq aýlaýǵa bolady. Zańsyz balyq aýlaý faktisine qatysty QR ÁQBK 383-baby boiynsha ákimshilik jaýapkershilikke tartylyp, 10 AEK kóleminde aiyppul salyndy», - deidi departamentte.
Al elikti zańsyz atý boiynsha 52 jasar er adamǵa qatysty QR QK 337-babymen sotqa deiingi tergeý júrgizilýde.
Aita keterligi, jyl basynan beri tabiǵat qorǵaý politseileri óńirde 437 zańsyz ań aýlaý faktisin tirkegen. Tártip saqshylary ań aýlaý úshin qarýdyń qujattaryn, ańshylyq biletin, ańnyń qai túrin, qai aýdanda aýlaýǵa ruqsat berilgeni kórsetilgen jol paraǵyn alyp júrý kerektigin eskertedi.
Sý qusy men elikti aýlaý maýsymy 2019 jyldyń 31 jeltoqsanyna deiin, terisi baǵaly ańdy aýlaý 2020 jyldyń 15 aqpanyna deiin jalǵasady.
