Pavlodar oblysynda trassada oqýshylar mingen mikroavtobýs órtendi. Aqparatqa qaraǵanda, salonda alty bala bolǵan. Eshkim zardap shekpegen. Bul jóninde Pavlodar oblysynyń tótenshe jaǵdai departamenti habarlady, dep jazady Azattyq.
Oqiǵa 23 jeltoqsanda Pavlodar oblysynda Efremovka men Danilovka aýyldaryn jalǵaityn trassada bolǵan. Aimaqtyń bilim basqarmasynyń málimetinshe, órt shyqqan kezde mikroavtobýsta alty oqýshy men jetekshisi jáne bir júrgizýshi bolǵan. Olar avtobýstan birden shyǵyp úlgergen. Artynsha oqýshylar úilerine jetkizilgen. Kýágerlerdiń sózine qaraǵanda, oqiǵa kezinde jetekshi júrgizýshi janynda bolǵan, sol sebepti balalar ózderi esikti ashyp, sekirip ketken.
Internette jariialanǵan videoda avtobýstyń janyp jatqany kórinedi.
Tótenshe jaǵdai departamenti baspasóz qyzmetiniń habarlaýynsha, qutqarýshylar kelgennen keiin órt sóndirilgen. Ázirge tolyq emes aqparatqa qaraǵanda, avtobýstyń elektr symdarynan ot tutanyp, órtke ulasqan.
"Aldyn ala aqparat boiynsha, salonnyń pesh jaǵyndaǵy elektr symdarynan ot shyqqan. 16 jeltoqsanda tehnikalyq qyzmet etý stantsiiasynda avtobýstyń peshi aýystyrylǵan" dep jazdy bilim basqarmasynyń aqparatyna súiengen Pavon.kz saity.
9 jeltoqsanda Aqtaý qalasynda ondaǵan bala otyrǵan avtobýs órtengen. Eshkim zardap shekpegen. Balalardy avtobýstan túsirýge jolaýshylar kómektesken.
