Ádep jónindegi keńes Pavlodar oblysy Aqsan aýyldyq okrýginiń ákimine aýyl turǵyndarymen dóreki sóileskeni úshin qatań sógis jariialaýdy usyndy, - dep habarlaidy Tengrinews.kz.
Sheneýniktiń aýyl turǵyndaryna dóreki sóilegen sátin kýágerler videoǵa túsirip Instagram-da jariialady. Osy videodan keiin ákimge qatysty tártiptik is qozǵaldy.
"Aýyl turǵyndarymen ótken jiynda Kenjebek Dúisenbaev turǵyndarmen dóreki sóilesken. Ádep jónindegi keńestiń sheshimimen Baianaýyl aýdanynyń ákimine, aýdan ákimine Q.Dúisenbaevqa qatań sógis jariialaý týraly hat joldandy", - dedi Pavlodar oblysy Memlekettik qyzmet isteri departamenti.
Ádep keńesiniń otyrysynda aýyl ákimi ádepsiz áreketke barǵanyn moiyndap, keshirim surady.
"Bul - meniń qateligim, emotsiiamdy tejei almaǵanymdy moiyndaimyn. Keshirińizder. Bul áreket endi qaitalanbaidy", - dedi ol.
