Pavlodar oblysynyń Michýrino aýylynyń shetinde 41 jastaǵy áieldiń múrdesi tabyldy. Adam óltirdi degen kúdikpen Sharbaqty aýylynyń turǵyny qamaýǵa alyndy, dep habarlaidy QazAqparat.
«21 qazan kúni saǵat 19:30-da jedel qyzmetkerler Pavlodar aýdanynyń Michýrino aýylynyń shetindegi orman alqabynda iz-túzsiz joǵalǵan 41 jastaǵy áieldiń denesin tapty. Ol zorlyqpen óltirilgen», - dedi Pavlodar oblysy politsiia departamentiniń baspasóz qyzmeti.
Quqyq qorǵaý organdarynyń deregine sai, atalǵan is boiynsha sotaldy tergeý bastaldy.
«Kerek saraptamalar taǵaiyndaldy, tergeý sharalary júrip jatyr», - dep málimdedi Pavlodar oblysy politsiia departamentiniń bastyǵy Nurlan Masimov.
Departamenttiń habarlaýynsha, adam óltirdi degen kúdikpen Sharbaqty aýdanynyń 32 jastaǵy turǵyny ustalǵan.
Er adam ýaqytsha ustaý izoliatoryna qamaldy. Qylmystyń mán-jaiy anyqtalyp jatyr.
