Pavlodar oblysynda Muǵalimder kúni qarsańynda 15 ustazǵa 2,6 mln teńgeden, al jyl sońyna deiin taǵy 45 muǵalimge osynshama syilyqaqy beriledi, dep habarlaidy Ravlodarnews.kz.
Bul týraly oblys ákimi Ábilqaiyr Sqaqov tamyz konferentsiiasynda aitty.
- Biylǵy jyly men «Pavlodar oblysynyń bilim berý júiesin damytýǵa qosqan úlesi úshin» marapatyn taǵaiyndadym. Qazan aiynda Muǵalimder kúni qarsańynda ony 15 muǵalim alady.
Sonymen qatar, olarǵa 2,6 mln teńgeden syilyqaqy beriledi. Jyl sońyna deiin osyndaimarapat jáne syilyqaqy taǵy 35 muǵalimge berý josparda. Erteńgi kúnniń enshisi búgingi urpaqtyń bilimi men tárbiesine bailanysty. Sondyqtan bilim berý – jaýapkershiligi mol abyroily is. Ony ózderińizden artyq eshkim bilmeidi. Osy oraida búgingi jiynnyń mańyzy zor. Elimizdiń mereii ústem, eńsesi biik, týymyzdyń tuǵyry berik bolsyn! – dedi oblys ákimi.
Sondai-aq aimaq basshysy «Muǵalimniń mártebesi týraly» zańnyń qabyldaýyna úlken úmit artatynyn jetkizdi.
- Sizderdiń quqyqtaryńyz ben zańdy múddelerińizdi saqtaý máselesi óte mańyzdy. Kóptegen erekshe fýnktsiialardan bosatý jáne bizdiń únemi qoldaýymyz sizderdi jańa jetistikterge jeteleidi dep senemin. Aldaǵy ýaqytta pavlodarlyq muǵalimder men stýdentterdiń kóptegen jeńisterge jetetindigine senimdimin, - dep atap ótken oblys ákimi ustazdar qaýymyn jańa oqý jylynyń bastalýymen quttyqtady.
