Pavlodar oblysynda 2020 jylǵy 1 qarashadan bastap 2021 jylǵy 30 naýryzǵa deiin jaýyn-shashyn ádettegiden 20%-ǵa artyq tústi, topyraqtyń qatýy aldyńǵy kórsetkishterden 23%-ǵa kóp, dep habarlaidy "Ult aqparat" Pavlodar TJD baspasóz qyzmetine silteme jasap.
«Búgingi tańda oblys boiynsha esepte sý basqan 28 eldimeken bar. Onyń ishinde 17-si – tasqyn sýdan, 11-i – Shyǵys Qazaqstan oblysy sý qoimalarynyń Joǵarǵy Ertis kaskadynan sý jiberý kezeńinde», - dep málimdedi Pavlodar oblystyq óńirlik kommýnikatsiialar qyzmetinde ótken brifingide Pavlodar oblysy Tótenshe jaǵdailar departamentiniń bastyǵy Ernur Ótegenov.
Onyń aitýynsha, Baianaýyl jáne Aqtoǵai aýdandaryndaǵy eldimekender qutqarýshylar men biliktiń baqylaýynda. Qardyń kúrt erýi kezinde topyraqtyń qatyp qalýyn eskere otyryp, TJD ókilderi Baianaýyl aýdanynyń 101-shi shaqyrymyndaǵy joldar arqyly erigen sýdyń asyp ketý múmkindigin boljaidy. Bul jerge kópir salynyp, Ashysý ózeniniń sýyn ótkizý úshin qosymsha eki sý ótkizý qubyry ornatylady. Qurylysshylar jol tósemin bir metrden artyq kóteredi, bul kóliktiń kedergisiz ótýine kómektesedi.
Pavlodar qalasynyń turǵyn úi-kommýnaldyq sharýashylyǵy bóliminiń basshysy Igor Rybas brifingide qala kóshelerinen 500 myń tonnadan astam qar shyǵarylǵanyn aitty.
«Qazgidromet» Pavlodar filialynyń basshysy Marjan Qusaiynova 1 qarashadan 30 naýryzǵa deiin Pavlodar oblysy men oblys ortalyǵynda jaýyn-shashynnyń jiyntyq mólsheri normadan 20% joǵary bolǵanyna nazar aýdardy. 25 naýryzdaǵy jaǵdai boiynsha qardyń biiktigi 25 santimetrdi qurady.
