Pavlodar oblysyna koronavirýs vaktsinasynyń jańa partiiasy jetkizildi. Ekpeni barlyq tilek bildirýshi turǵylyqty jeri boiynsha óz emhanasynan alady, dep habarlaidy Pavlodarnews.kz.
Pavlodar oblystyq densaýlyq saqtaý basqarmasynyń baspasóz qyzmetiniń málimetinshe, óńirge «Spýtnik V» nemese «Gam-KOVID-Vak»vaktsinasynyń jańa partiiasy keldi.
«Keshe túnde óńirge ekinshi komponentti vaktsinanyń taǵy 1 200 dozasy jetkizildi. Sonymen qatar, 17 naýryzda úshinshi partiianyń birinshi komponentine 1 300 doza vaktsina kelip tústi. Birinshi komponent boiynsha Pavlodar oblysynyń 4 345 turǵyny ekpe aldy, ekinshi komponent boiynsha – 1 722. Ekpeni barlyq tilek bildirýshi turǵylyqty jeri boiynsha tirkelgen óz emhanasynan alady. Vaktsina alǵyńyz keletińiz týraly ýchaskelik dárigerge habarlaý kerek», delingen habarlamada.
Esterińizge sala keteiik, «Spýtnik V» birinshi partiiasy aimaqqa qańtar aiynyń sońynda kelip tústi, vaktsinatsiia 1 aqpanda bastalǵan. Ekpe salý aldynda eriktilerdi dáriger tekseredi.
Pavlodarlyqtarǵa ekpe úshin aqy tóleýdiń qajeti joq. Pavlodar oblysyna bólingen preparattyń 80 myń dozasy respýblikalyq biýdjetten tólenedi.
