Pavlodar oblysynyń ákimi Ábilqaiyr Sqaqov mártebeli meimandardy kútip alýǵa arnalǵan rezidentsiianyń arzan baǵaǵa satylýyna qatysty pikir bildirdi, dep habarlaidy Sputnik Qazaqstan.
Búgin ortalyq kommýnikatsiialar qyzmetinde ótken brifingte jýrnalister oblys ákiminiń satylǵan rezidentsiiasy týraly surady. Ony 161 million teńgege jeke menshikke satyp jibergen. Rezidentsiia Jasybai kóliniń jaǵasynda ornalasqan.
"Ol sheshim 2018 jyly qabyldanǵan bolatyn. Qurylys nysanyn satyp alý quqyǵymen senimgerlik basqarýǵa bergen. Memlekettik portalda aýktsion da uiymdastyryldy. Iá, maǵan túsken aqparat boiynsha 161 million teńgege satyldy. Biraq men ózim ol kezde bolǵan joqpyn. Rezidentsiiaǵa da barǵan emespin", - deidi Sqaqov.
Onyń aitýynsha, rezidentsiiany "Asfaltobeton" JShS satyp alǵan. Al tilshiler rezidentsiiany satyp alý boiynsha kelisimshartty aiaqtaǵan Nurlan Dúisenbinov týraly surady. Ol kezde Dúisenbinov oblystyq qarjy basqarmasyna jetekshilik etti. Qazir Aqsý qalasynyń ákimi qyzmetin atqaryp júr.
"Árbir sheneýnik ózi qol qoiǵan kez kelgen qujatqa jaýapty. Ol kezde Dúisenbinov qarjy basqarmasyn basqarǵan jáne jeke ózi sheshim qabyldamaǵan shyǵar. Habarlandarý, aýktsion bolýǵa tiis. Al zań talaptara saqtalmasa, quziretti memlekettik organdar óz baǵasyn berýi kerek", - dep atap kórsetti Sqaqov.
Aita keteri, Ábilqaiyr Sqaqov Pavlodar oblysynyń ákimi qyzmetine 2020 jyldyń qańtar aiynda taǵaiyndalǵan bolatyn. Oǵan deiin aimaqty Bolat Baqaýov basqardy.
