Pavlodar ákimi Asain Baihanov Instagram storizinde qyzyq skrinshot jariialady. Onda ákim ózinen aqsha suraǵan stýdentpen hat jazysqan, - dep habarlaidy Tengrinews.kz.
"Siz ákimsiz ǵoi, qaltańyzda únemi tiyn bolady. Men sizdi, ákimsiz jáne millionersiz dep jatqan joqpyn. Joq, men jái sizdiń jaǵdaiyńyz menikinen sál jaqsyraq ekenin túsinemin. Sondyqtan, ótinemin, meniń Kaspiime 10 000 aýdaryńyzshy. Júrip-turǵanǵa. Áitpese shákirtaqy tek aidyń aiaǵynda úsedi", - dep jazǵan jas jigit ákimge.
Ákim bolsa kútpegen jerden jaýap berip, jigittiń ótinishin oryndaýǵa ýáde bergen. Sonymen qatar, stýdentke kómek suramai, jumys isteý kerek ekenin túsindiripti.
"Kelistik, osy joly men sizdi qoldaimyn jáne kómektesemin. Biraq siz, kómek suramai, eńbek etýińiz kerek. Men órkenietten alys aýylda týyp-óstim. Qaltamda bir tiynsyz qalaǵa keldim. Bul, kerisinshe, maǵan kúshti motivatsiia boldy. Sharshamai, ómir sátsizdikke toly bolǵanyna qaramastan, qulshynysty joǵaltpai jumys istedim. Sondyqtan, eshkim sizge jaidan-jai eshteńe bermeidi, aianbai jumys isteý kerek, eń bastysy jalqaý bolmaý", - dep keńes bergen ákim.
Asain Baihanov 2021 jyldyń shildesinde Pavlodar qalasynyń ákimi bolyp taǵaiyndalǵan. Buǵan deiin ol Pavlodar oblysy ákiminiń orynbasary qyzmetin atqarǵan.
Onyń Instagram-paraqshasynda 25 myńnan asa jazylýshysy bar. Ákimniń aitýynsha, ol paraqshasyn ózi júrgizip, qala turǵyndary hatyna ózi jaýap beredi.
