Qazaqstannyń bas memlekettik sanitar dárigeri Erlan Qiiasov páterlerde jáne jeke úilerde Naýryzdy jappai toilaýdyń qalai toqtatylatynyn aitty, - dep habarlaidy Tengrinews.kz.
OKQ onlain-brifinginde jýrnalist Naýryz meiramyn týystar arasynda toilaýdy qalai toqtatatynyn surady.
"Bári halyqtyń jaýapkershiligine bailanysty. Árine, biz jeke úilerge, jeke páterlerge kirip teksermeimiz. Birinshi kezekte kóp adam jinalatyn ortada nemese oryndarda eń aldymen ózderiniń jaqyndary men týystaryna úlken qaýip tóndiretinin este ustaý kerek.
Bul otbasylyq mereke ekenin túsinemiz jáne kópten kútken mereke ekeni de anyq. Biraq kez kelgen jaǵdaida biz saqtyq tanytýymyz kerek. Sondyqtan osyndai merekelerge barmaýǵa shaqyramyz. Shaǵyn ortada, otbasy múshelerimen meiramdy atap ótýge bolady. Jasy úlken qariialar bar ekenin de umytpaiyq. Olardyń densaýlyǵyna alańdaýymyz kerek", - dep jaýap berdi Qiiasov.
