Búgin Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine básekelestikti damytý máseleleri boiynsha ózgerister men tolyqtyrýlar engizý týraly» zań jobasyna Senat engizgen ózgeristermen kelisti, dep habarlaidy QazAqparat.
Zańynyń jobasy memlekettiń kásipkerlikke qatysýyn qysqartýǵa, kásipkerlik sýbektileriniń memlekettik qoldaý sharalaryna teń qol jetkizýin qamtamasyz etýge, shaǵyn jáne orta kásipkerlikti damytýǵa, sondai-aq taýar naryqtaryna kirý úshin ákimshilik jáne ekonomikalyq kedergilerdi qysqartýǵa baǵyttaldy.
«Atalǵan zań jobasyn Májilis 8 jeltoqsanda maquldady jáne ol Senatqa qabyldanǵan 152 pozitsiiamen jiberildi. Senat engizgen túzetý naqtylaý sipatyna ie, Májilis maquldaǵan zań jobasynyń tujyrymdamasy men mazmunyn ózgertpeidi. Komitet (Májilistiń Ekonomikalyq reforma jáne óńirlik damý komiteti) «Qazaqstan Respýblikasynyń keibir zańnamalyq aktilerine básekelestikti damytý máseleleri boiynsha ózgerister men tolyqtyrýlar engizý týraly» zań jobasyna Senaty engizgen ózgeristermen kelisýdi usynady», - dedi Májilis depýtaty Samat Aqyshev.
Qujatty qaraý kezinde palata depýtattary bul usynysqa qoldaý bildirdi.
