Búgin Parlament Májilisiniń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine memlekettik basqarý, ekinshi deńgeidegi bankterdiń kepildik saiasatyn, baǵalaý qyzmetin retteýdi jáne atqarýshylyq is júrgizýdi jetildirý máseleleri boiynsha ózgerister men tolyqtyrýlar engizý týraly» zań jobasyna Senat engizgen ózgeristermen kelisti, dep habarlaidy QazAqparat.
«Zań jobasy QR Úkimetiniń 2020 jylǵy 30 qyrkúiektegi qaýlysyna sáikes Parlament Májilisiniń qaraýyna engizildi. Qujat biýdjettik, salyq zańnamasyn jáne ekinshi deńgeili bankterdiń kepildik saiasatyn jetildirýge, baǵalaý qyzmetiniń ári atqarýshylyq óndiristi retteýge baǵyttalǵan. 2021 jylǵy 24 qarashada Májilis ekinshi oqylymda maquldaǵan zań jobasy Senattyń qaraýyna jiberildi. Zań jobasyn Senat 2021 jylǵy 23 jeltoqsanda keri qaitardy. Barlyǵy 24 túzetý engizildi. Onyń ishinde EAEO-nyń 2022 jylǵy 1 qańtardan 2024 jylǵy 1 qańtarǵa deiin «Alkogol óniminiń qaýipsizdigi týraly» tehnikalyq reglamentin qoldanysqa engizý merzimin keiinge shegerýge bailanysty alkogoldik ónimder men alkogoldik ónimderdiń túrlerine qatysty 15 túzetý engizildi», - dedi Májilis depýtaty Daniiar Álimbaev.
Sonymen qatar, redaktsiialyq túsindirý sipatyndaǵy 6 túzetý jáne quqyqtyq tehnikaǵa 3 túzetý engizildi.
«Senat engizgen túzetýler zań jobasynyń tujyrymdamalyq erejesin ózgertpeidi. Joǵaryda aitylǵandardy eskere otyryp, komitet (Májilistiń Qarjy jáne biýdjet komiteti) zań jobasyna Parlament Senaty engizgen ózgeristermen ári tolyqtyrýlarmen kelisýdi usynady», - dedi depýtat.
Qujatty qaraý kezinde palata depýtattary bul usynysqa qoldaý bildirdi.
