Indoneziia astanasy Jakarta qalasynda ótip jatqan III Para Aziia oiyndarynda qazaqstandyq 61 jastaǵy shahmat sheberi Bolat Qabyjanov el qorjynan kezekti kúmis medaldi saldy, dep habarlaidy "Ult aqparat".
Bul týraly QR Mádeniet jáne sport ministrligi Sport jáne dene shynyqtyrý isteri komitetiniń baspasóz hatshysy Raýhan Toǵymbaeva Feisbýk paraqshasynda jazdy.
«Bolat Qabyjanov III Para Aziia oiyndarynyń kúmis medalin utyp aldy. Bolat aǵanyń jasy 61-de. Ol budan buryn shahmattan sańyraýlar-mylqaýlar arasynda ótken Álem chempionatynda kúmis medal alǵan bolatyn. Ol jarys 2012 jyly Almatyda ótken edi», - dep jazady Raýhan Toǵymbaeva.
Aita keterligi, shahmat biyl Para Aziia oiyndaryna birinshi ret engizilip otyr.
