Álemde koronavirýs pandemiiasynyń bastalǵanyna bir jyl toldy, dep habarlaidy "Ult aqparat".
Bul jaiynda Qazaqstan Prezidenti Twitter paraqshasynda eske saldy.
«Bir jyl buryn DDSU pandemiianyń bastalǵanyn jariialady. Sodan beri Qazaqstan búkil álemmen birge kóptegen qiyndyqty bastan ótkerdi. Memleket azamattardyń ómiri men densaýlyǵyn qorǵaý úshin pármendi sharalar qabyldady» dep jazdy Qasym-Jomart Toqaev Twitter paraqshasynda.
Onyń aitýynsha, tótenshe jaǵdai kezinde tabyssyz qalǵan turǵyndarǵa qarjylai jáne basqa da kómek berildi.
«Biz bereke-birlik pen ózara qoldaýdyń arqasynda órshigen indetti eńserdik. Biraq derttiń qateri áli de seiilgen joq. Virýsty vaktsinatsiia arqyly ǵana túbegeili aýyzdyqtai alamyz. Barsha otandastarymyzdy aýyryp em izdegenshe, aýyrmaityn jol izdeýge shaqyramyn» dep túiindedi sózin Memleket basshysy.
