Pandemiiaǵa bailanysty qurylys kompaniialaryna jumysshy jetispeýde. Bul týraly Senat janyndaǵy Jas sarapshylar klýbynyń otyrysynda «Atameken» ulttyq kásipkerler palatasy tóraǵasynyń orynbasary Oljas Ordabaev málim etti, dep habarlaidy QazAqparat.
Olar júrgizgen saýalnamaǵa 24,5 myń kásipker qatysqan.
«Búgingi tańda jumys kúshiniń tapshylyǵy qurylys salasyna áser etti. Memlekettik shekaranyń jabylýy da oǵan ishinara áser etti, ol sheteldik jumys kúshiniń toqtap qalýyna ákeldi. Qurylys kompaniialary 2021 jyly turǵyn úi qurylysynyń josparlanǵan kóleminiń 2 mln sharshy metrge, 17,2 mln sharshy metrge deiin ulǵaiý jaǵyna qarai ózgerýin eskere otyryp, jumysshy kadrlardaǵy tapshylyq týraly aityp otyr, tek turǵyn úi qurylysyna qosymsha 80 myńǵa jýyq adam qajet. Bul mektep, balabaqsha, aýrýhana jáne t. b. áleýmettik nysandarǵa qajetti kadrlar qajettigin eskermegende ǵana. Qajettiliktiń 45%-y Nur-Sultan jáne Almaty qalalaryna tiesili bolyp otyr. Osylaisha, ekonomikany qalpyna keltirý birinshi kezekte Nur-Sultan jáne Almaty qalalarynda bastalady», - dedi Oljas Ordabaev.
Klýbtyń otyrysy Senat tóraǵasy Máýlen Áshimbaevtyń tóraǵalyq etýimen ótti jáne Qazaqstan ekonomikasynyń pandemiiadan keiingi kezeńdegi úrdisterine, mindetteri men keleshegine arnaldy.
«Pandemiia álemdik ekonomika men qoǵamdyq ómirdi uiymdastyrýdaǵy belgili bir protsesterdi jedeldetti. Osylaisha, qashyqtyqtan jumys isteý, qashyqtyqtan oqytý, biznesti tsifrlandyrý, internet arqyly qyzmetter usyný jáne taýarlar satyp alý, resýrstar men tutynýǵa uqypty qaraý bizdiń ómirimizdiń ajyramas bóligine ainalady. Pandemiiadan keiingi kezeńdegi damý strategiiasy osy jáne basqa da úrdisterdi eskerýi tiis. Jalpy, bilim berý júiesi pandemiiadan keiingi kezeńdegi damý strategiiasynyń mańyzdy bóligi retinde qarastyrylýy kerek, óitkeni ol ónerkásip pen óndiristik sektordy bilikti kadrlarmen qamtamasyz etedi», - dedi Máýlen Áshimbaev.
Máýlen Áshimbaev talqylaýdy qorytyndylai kelip, sarapshylar aitqan usynys-usynymdar Parlament jumysynda pailanylatyny jáne Ulttyq ekonomika ministrligi nazarǵa alatynyna senim bildirdi.
