Baqytjan Saǵyntaev «Almatyny damytý — 2021: kóriktendirý jáne kógaldandyrý jobalary» onlain tanystyrylymy barysynda Almaty ortalyǵynyń tarihi kelbetin saqtaý jáne týristik infraqurylymdy damytý úshin qandai jumystar júrgizilip jatqanyn aitty, dep habarlaidy "Ult aqparat".
Qalanyń qurylys saiasatynyń mańyzdy bóligi - ortalyqtyń tarihi kelbetin saqtaý. Bul óz kezeginde týristerdi qyzyqtyrýǵa áser etedi. Tarihi ortalyqta ǵimarattardyń qasbetterin jóndeý men qalpyna keltirý boiynsha keshendi jumys aiasynda 156-dan astam úidiń qasbeti qaita qalpyna keltirildi. 2021 jyly 70 qasbetti jóndeý josparda.
«Pandemiia kezinde turǵyndardyń taýǵa barýy da tórt esege artqandyqtan, azamattarǵa qoljetimdi bolýy úshin týristik qoǵamdyq keńistikter qurý jumystary júrgizilýde. Ótken jyly taýly jerlerde 4 vizit-ortalyq salyndy, 1000 shaqyrym jaiaý júrginshi joly tsifrlandyryldy, 500 shaqyrym jol abattandyryldy. Biyl qosymsha 172 shaqyrym taý baǵyttary abattandyrylady»,-dedi Baqytjan Saǵyntaev.
Taýly jerlerde qaýipsizdikti qamtamasyz etý boiynsha ózge de jobalar pysyqtalyp jatyr. Biyl taýda týrister baǵyttan jii adasyp, uialy bailanys nashar ustaityn 14 qaýipti aimaq jabyldy. Sondai-aq taýda qutqarýshylar pýltine apat signaldaryn berý úshin qosymsha 10 radiojúielik qurylǵy ornatylady.
