Izraildiń áýe soqqylarynyń saldarynan Gaza Sektorynda palestinalyq jýrnalist qaza tapty, dep habarlaidy Al Jazeera.
Ótken túni «Ierýsalim daýysy» palestinalyq radiosynyń reporteri men júrgizýshisi Iýsef Abý Hýsein izraildik áýe soqqysy saldarynan qaza tapty. Aqparatty Dunya Al Watan jáne The Palestine Chronicle palestinalyq agenttikter rastap otyr.
19 mamyrda tańsáride gaza Sektorynyń batysyndaǵy Sheih Redvan aýdanynda ornalasqan jýrnalistiń úiine ushqyshsyz basqarylatyn ushý apparaty shabýyl jasaidy.
Óz kezeginde «Ierýsalim daýysy» radiosy óz qyzmetkeriniń ólimine kinálilerdi jaýapqa tartýdy talap etti.
Ótken túni palestinalyq jýrnalistpen qosa, Gazanyń kem degende 4 turǵyny Izrail áskeri-áýe kúshteriniń soqqylary saldarynan qaitys boldy.
Qaqtyǵys shielenise bastaǵan kezden beri kem degende 219 palestinalyq Gazada mert boldy, arasynda 63 bala bar. Taǵy 1,5 myń palestinalyq jaraqattanǵan.
Bul kezde Izrailde 12 adam qaitys bolǵan, arasynda eki bala bar. Jaraqat alǵan Izrail turǵyndarynyń sany 300-den kem emes.
