Búgin tańerteń Pákistanda júrdek poiyzda tutanǵan órtten mert bolǵandar sany 73 adamǵa jetti, dep habarlaidy APP.
Álemdik BAQ-tardyń jazýynsha, qazirgi ýaqytta órtten qaza tapqandar 73 adamdy qurap otyr. Budan buryn 60-tan astam jolaýshy qaza taýyp, 30-y zardap shekkenin habarlaǵan edik.
El prezidenti Arif Alvi men premer-ministr Imran Han Karachiden Ravalpindige bet alǵan poiyzdan shyqqan órtten kóptegen adamnyń qaza tabýyna bailanysty kóńil aitty. Oqiǵa Liakatpýr qalasynda boldy.
Premer-ministr quzyrly bilik organdaryna oqiǵadan zardap shekkenderge shuǵyl jáne sapaly meditsinalyq kómek kórsetýdi tapsyrdy.
APP málimetinshe, órt jolaýshylar ózderine tańǵy as ázirlep jatqan kezde gaz ballonynyń jarylýynan shyqqan. Jalyn ekonom-sanattaǵy eki vagondy jáne biznes-sanattaǵy bir vagondy sharpyǵan.
