Foto: ashyq derekkóz
27 qańtarda Jambyl oblysynda qarýdy ustaý kezinde jaraqat alǵan merzimdi qyzmettegi sarbaz kóz jumdy, dep habarlaidy Ult.kz.
Bas prokýratýranyń málimetinshe, atalǵan fakt boiynsha IIM áskeri-tergeý organdary sotqa deiingi tergep-tekserýdi bastaǵan.
«Jedel-tergeý toby qurylyp, tergeý barysy Bas prokýrordyń jeke baqylaýynda. Oqiǵanyń aldyndaǵy mán-jailardy obektivti jáne jan-jaqty (komissiialyq) anyqtaý maqsatynda qorǵanys ministriniń orynbasary, bas áskeri prokýror jáne IIM áskeri-tergeý departamentiniń bastyǵy oqiǵa ornyna shyqty», – delingen Bas prokýratýra taratqan aqparatta.
Sonymen qatar, arnaiy topqa elimizdiń tiisti áskeri bólimderinde áskeri tártiptiń saqtalýy men jeke quramnyń qaýipsizdik talaptarynyń oryndalýyna keshendi tekserý júrgizý tapsyryldy. Bul sharalar osyndai qaiǵyly jaǵdailardyń aldyn alý maqsatynda qolǵa alynǵan.
Budan bólek, merzimdi áskeri qyzmetshilerdiń ómiri men densaýlyǵyn qorǵaý, áskerdegi qaýipsizdik máseleleri jýyrda Bas prokýratýranyń arnaiy alqa májilisinde qaralatyn bolady. Tergeý nátijesi boiynsha tiisti quqyqtyq baǵa berilmek.
Buǵan deiin Óskemen garnizonynda merzimdi áskeri qyzmetshi qaza tapqanyn jazǵan edik.
