42 500 teńge kólemindegi kómekti alatyn azamattardyń sanatyn keńeitý tapsyryldy. Bul týraly respýblikalyq telearnalardyń efirinen elimizdegi tótenshe jaǵdaiǵa jáne memlekettiń daǵdarysqa qarsy is-sharalaryna bailanysty málimdemesinde Prezident Qasym-Jomart Toqaev aitty, dep habarlaidy "Ult aqparat".
«Tabysynan aiyrylǵan azamattarǵa eń tómengi jalaqy mólsherinde qoldaý kórsettik. Endi 42 500 teńge kólemindegi kómekti alatyn azamattardyń sanatyn keńeitýdi tapsyramyn. Soǵan orai bul qoldaýǵa ózin-ózi jumyspen qamtyǵandar men resmi tirkelmei jumys isteitinder de ie bolady. Bul kómek belgilingen tártip boiynsha shyn máninde muqtaj adamdarǵa ǵana beriledi. Jalpy, 3 millionǵa jýyq azamatymyzǵa qoldaý kórsetiledi», - dedi Memleket basshysy.
Buǵan deiin habarlanǵandai, Prezident zeinetaqy, memlekettik járdemaqy jáne ataýly áleýmettik kómek mólsheri 10 paiyzǵa indeksatsiialanatynyn málim etti.
«Men buǵan deiin daǵdarysqa qarsy alǵashqy sharalar toptamasyn jariialadym. Jaǵdaidyń ýshyǵa túskenin eskerip, azamattarǵa jáne bizneske odan ári qoldaý kórsetý jóninde mynadai qosymsha sheshimder qabyldadym. Infliatsiianyń artýyna bailanysty, zeinetaqy, memlekettik járdemaqy jáne ataýly áleýmettik kómek mólsherin 10 paiyzǵa indeksatsiialaýdy tapsyrdym»,- dedi Prezident.
