Ózimniń jáne jaqyndarymnyń qaýipsizdigi úshin vaktsina aldym. Bul týraly «Maqsat» meditsina kolledjiniń 1 kýrs stýdenti Botakóz Izteleýova málim etti, dep habarlaidy QazAqparat.
Botakóz búgin Zachagan kentindegi №6 emhanada Pfizer kompaniiasynyń Comirnaty vaktsinasymen egildi.
Ol birinshi komponentti alǵannan keiin ózin jaqsy sezinetinin jetkizdi.
«Jasym 17-de. Osy Oral qalasynda turamyn. Jaqyndarymnyń bári ekpe aldy. Meniń de vaktsina alýyma ata-anam ruqsatyn berdi. Bul – túptep kelgende, bárimizdiń qaýipsizdigimiz úshin kerek. Ózim «Maqsat» meditsina kolledjinde meiirger isi mamandyǵyna oqyp jatyrmyn. Aldaǵy ýaqytta osy salada bilimimdi jetildirip, halyqtyń densaýlyǵyn nyǵaitý jolynda eńbek etkim keledi», dedi Izteleýova.
