Mańǵystaý oblysynda" ÓzenMunaiGaz" kompaniiasyna qarasty munai-gaz óndirý basqarmasynyń aýmaǵynda órt shyǵyp, bir jumysshy qaitys boldy, dep habarlaidy jergilikti Sputnik Qazaqstan agenttigi Lada.kz portalyna silteme jasap.
Oblystyq tótenshe jaǵdailar departamenti usynǵan aqparatqa sáikes, "ÓzenMunaiGaz" kompaniiasyna qarasty ýchaskede APRS-40 qondyrǵysy otqa oranǵan.
14 maýsymda túngi saǵat 23:50 bastalǵan órt 20 minýttyń ishinde óshirildi. Oqiǵa ornynda kúiip ketken máiit tabyldy.
Qaitys bolǵan er adam - "Kezbi" JShS jumysshysy.
"Marqum 1977 jyly týǵan. Beineý aýylynyń turǵyny. "Kezbi" JShS-inde júk kótergishtiń mashinisti bolyp jumys istegen", - deidi qutqarýshylar.
"Kezbi" JShS jumyskerdiń qaitys bolǵanyn rastady. Kompaniia jerleý shyǵyndaryn óteýge daiyn ekenin málimdedi.
Al politsiia tergeý sharalaryn bastap ketti.
