Ózen arnasyna káriz sýyn aǵyzǵan almatylyqqa aiyppul salyndy, dep habarlaidy QazAqparat.
Quqyq buzýshy Jarbulaq (Kazachka) ózenine sarqyn sýdy zańsyz aǵyzýdy anyqtaý úshin ótkizilgen reid kezinde ustaldy.
«Jergilikti turǵyn A. esimdi turǵyn syrttaǵy dárethananyń káriz sýyn osy ózenge aǵyzdy. Bul áreketi úshin ol QR ÁQbK-niń 505-baby boiynsha ákimshilik jaýapkershilikke tartyldy», - dedi Almaty qalalyq PD Jergilikti politsiia qyzmeti basqarmasynyń bastyǵy Manap Sattarov.
Onyń aitýynsha, reidtiń maqsaty - Jarbulaq ózeniniń lastaný kózderin anyqtaý jáne quqyq buzýshylyqtar anyqtalǵan kezde, olardy joiý bolyp tabylady.
Aita keteiik, bul is-shara Almaty qalasy Ekologiia departamenti, Medeý aýdandyq ekologiialyq politsiiasy, Medeý aýdany ákiminiń apparaty, «Qazgidromet» RMK, Almaty qalasy Sanitarlyq-epidemiologiialyq baqylaý departamenti, Balqash-Alakól basseindik sý qoryn retteý men qorǵaý inspektsiiasy jáne Almatydaǵy azamattyq qoǵam ókilderi birlesip ótkizdi.
