Ózbekstanǵa COVAX baǵdarlamasy aiasynda AQSh-tan koronavirýsqa qarsy 3 million 60 doza Moderna vaktsinasy jetkizildi. Bul týraly ÓzA habarlaidy
Ózbekstan Densaýlyq saqtaý ministrliginiń málimetinshe, AQSh-tyń Alabama shtatynan ákelingen Moderna vaktsinasynyń 3 million 60 dozasy Ózbekstanǵa kómek retinde berilgen.
Ataýly vaktsina - Amerika Qurama Shtattarynda qoldanylatyn negizgi 3 vaktsinanyń biri. Sondai-aq, AQSh aýrýlardy baqylaý jáne aldyn alý ortalyqtarynyń (CDC) málimetteri boiynsha, Moderna vaktsinasynyń tiimdiligi 94 paiyzdan joǵary bolyp, COVID-19 infektsiiasyn joiady.
DDSU sarapshylar toby vaktsinanyń virýsqa qarsy 94,1 paiyz tiimdi ekenin aityp, ony 18 jastan asqan halyqtyń barlyq tobyna usynǵan. Bul vaktsinany qarapaiym tońazytqyshta da saqtaýǵa bolady. Osy ekpeniń, eki dozasyn 28 kúndik aralyqpen qabyldaǵan adam tolyq emdelgen bolady.
Osylaisha, Ózbekstandaǵy vaktsinanyń jalpy qory 12 million 580 myń 60 dozany qurady.
Olardyń:
370 myń doza Spýtnik V,
710 myń doza AstraZeneca,
8,5 million doza ZF-UZ-VAC2001,
3 million 60 doza Moderna vaktsinasy.
