Ózbekstan Densaýlyq saqtaý ministrligi taǵy 1 million doza ózbek-qytai vaktsinasy jetkizilgenin aitty, dep habarlaidy ÓzA.
«Qazir ǵana Zhifei Longcom Biopharmaceutical Co. Ltd. kompaniiasy tarapynan ózbek-qytai mamandary birlesip jasaǵan ZF-UZ-VAC2001 vaktsinasynyń 1 million dozasy ákelindi» delingen habarlamada.
Búgingi kúnge deiin eldegi vaktsinatsiialanǵan 565 myńnan astam adamnyń 46% -y nemese 263 myńnan astamyna dál osy ZF-UZ-VAC2001 vaktsinasy egilgen. Olar qatarynda 148 myńnan astam azamat 65 jastan asqandar.
Ataýly vaktsinanyń alǵashqy 1 million dozaly partiiasy Ózbekstanǵa 27 naýryzda ákelingen edi.
Ózbekstanda 3-kezeńdik klinikalyq synaqtardan sátti ótken Qytaidyń «Zhifei Longcom Biopharmaceutical Co. Ltd» kompaniiasy men ózbek mamandary birlesip jasaǵan ZF-UZ-VAC 2001 vaktsinasy azamattarǵa úsh ret egilgende olar tolyq vaktsinatsiialanǵan bolyp sanalady.
