Ózbekstanda taǵy 2 adamnan koronavirýs tabyldy, dep habarlaidy ÓzA agenttigi.
15 naýryz kúni Ózbekstannyń Virýsologiia ǵylymi zertteý institýtynda 11 naýryz kúni Frantsiiadan kelgen Ózbekstan azamatynan COVID-19 koronavirýsy tabylǵan bolatyn.
Keshe eldiń densaýlyq saqtaý ministrligi naýqastyń uly men qyzyna da virýs juqqanyn rastaǵan.
Búgin Ózbekstannyń DSM Frantsiiadan kelgen naýqastyń áieli men nemeresinen de koronavirýs infektsiiasy tabylǵanyn málim etti.
Sondai-aq 15 naýryz kúni Tashkent ýaqytymen 05:15-te «Uzbekistan airways» áýe kompaniiasynyń Ystanbul-Tashkent baǵytyndaǵy 274-reisimen kelgen Ózbekstan azamatynan da koronavirýs infektsiiasy tabylǵan.
Sońǵy derek boiynsha, Ózbekstanda naýqastar sany altyǵa jetip otyr.
