Ózbekstannyń Naýai oblysynda qazaqtyń belgili aqyny Bazar jyraý Ońdasulyna eskertkish ornatyldy. Bul týraly Úshqudyq aýdany ákimdiginiń baspasóz qyzmeti Telegram kanalynda málim etti, dep habarlaidy "Ult aqparat".
Balqy Bazar jyraý biýsiniń ashylý saltanaty 3 qazan kúni ótti. Sharaǵa aýdan ákimi S.Hamroev, Úshqudyq aýdany Qazaq mádeni ortalyǵynyń qyzmetkerleri, aǵa býyn jáne BAQ ókilderi qatysty.
Biýst ornatar aldynda Jalpaqtaýdaǵy Bazar Jyraýdyń beiiti abattandyrylǵan.
Bazar Jyraý Ońdasuly 1842 jyly Qazaqstan Respýblikasy Qyzylorda oblysynyń Qarmaqshy aýdanynda dúniege kelgen. El arasynda Balqy Bazar dep tanylǵan. Ómiriniń sońǵy jyldaryn Jalpaqtaý jailaýynda, Aqbóget topyraǵynda ótkizdi. 1911 jyly dúnie salyp, Jalpaqtaýǵa súiegi qoiylǵan.
Bazar Jyraýdy Syr boiynyń aqyn-jyraýlary, termeshileri ózderine ustaz sanaǵan. Onyń týyndylary «Terme», «Úsh ǵasyr jyrlaidy» jinaqtaryna engen.
