Tengrinews.kz/Turar Kazanǵapov
Ózbekstanda balalardyń ólimine sebep bolǵan dári Qazaqstanda tirkelmegen. Bul týraly saýalǵa QR Densaýlyq saqtaý ministrligi jaýap berdi, - dep habarlaidy Tengrinews.kz.
"Dárilik zattardy men meditsinalyq buiymdardy saraptaý ulttyq ortalyǵynyń málimetinshe, bul - "DOK-1 MAKS" preparaty, óndirýshi - Marion Biotech, Úndistan. Tirkeý merzimi 2018 jyly aiaqtalǵan. Búgingi kúnge deiin Qazaqstan Respýblikasynda tirkelmegen. Quramynda 500 miligramm paratsetamol, 200 miligramm gvaifenezin jáne 10 miligramm fenilefrin gidrohloridi bar", - dedi Densaýlyq saqtaý ministrligi ókilderi.
Ministrlik, sondai-aq, Qazaqstanda osyndai quramdy bir preparat Viks Aktiv Stoptomaks pliýs saýda ataýymen tirkelgenin aitty, Ulybritaniia. Bul preparat tek eresekterge arnalǵan. Nusqaý boiynsha, 18 jasqa tolmaǵan balalarǵa qoldanýǵa bolmaitynyn kórsetedi. Bul sýyq tiiýge qarsy preparattar toby.
"Paratsetamol bolǵandyqtan, preparattyń búirek fýnktsiiasynyń buzylýyna áseri bar. Sondyqtan nusqaýlyqta ony jii emes, kúnine 4-6 saǵat saiyn qabyldaý keregi kórsetilgen. Baýyr aýrýlary men búirek jetkiliksizdigi barlarǵa paratsetamol qabyldaýǵa bolmaidy. Bizde satylmaidy", - dedi ministrlik ókilderi.
Eske salaiyq, buǵan deiin Ózbekstannyń Samarqand oblysynda JRVI-ge qarsy "DOK-1 MAKS" úndilik preparatyn qabyldaǵannan keiin eki aidyń ishinde 15 balanyń qaitys bolǵany habarlanǵan edi.
