Ózbekstannyń aqparattandyrý jáne telekommýnikatsiia salasyn baqylaý jónindegi memlekettik inspektsiiasy WeChat messendjeriniń jumysyn shektedi.
Bunyń aldynda inspektsiia Twitter, TikTok jáne "VKontakte" jelileriniń jumysyna shekteý engizgen. Elde Skype messendjeri de jumys istemei tur.
Ol kezde messendjerler jumysy azamattardyń "jeke málimetterin suryptaý jónindegi zań erejelerin buzǵany" úshin shekteldi delingen. Biraq memlekettik inspektsiia taratqan málimette WeChat týraly eshteńe aitylmaǵan. Mekeme taratqan málimette shekteýler "anyqtalǵan kemshilikter durystalǵan soń" alynatyny habarlandy.
Jaqynda Ózbekstan prezidenti Shavkat Mirziiaev TikTok qoldanýshylaryn qolbasshy Ámir Temir men aqyn Álisher Naýaiǵa arnalǵan tarihi eskertkishterge til tigizdi dep synaǵan.
Shildeniń basynda Namangan oblysynyń basshysy Shavkatjon Abdýrazakov jastardyń kóbirek kitap pen gazet oqýy úshin áleýmettik jelilerdi bir aiǵa óshirýdi usynǵan. Oǵan jaýap bergen depýtat Rasýl Kýsherbaev "aqparat zamanynda áleýmettik jelilerdi shekteý aqylǵa qonymsyz sheshim" dep málimdegen.
