Kievtegi Ózbekstan elshiligi qazir Ýkrainadaǵy jaǵdaidyń shieleniskendigine bailanysty óz azamattaryn evakýatsiialaidy. Bul týraly búgin Kievtegi Ózbekstan elshiligi óz otandastaryna arnalǵan resmi úndeýde jariia etti, dep habarlaidy QazAqparat ÓzA-ǵa silteme jasap.
«Ýkrainadaǵy jaǵdaidyń shielenisýin jáne tótenshe jaǵdaidyń engizilgenin eskere otyryp, Ózbekstan Respýblikasynyń azamattaryna habarlaimyz.
Qazirgi ýaqytta Ózbekstan Respýblikasynyń Kievtegi Elshiligi evakýatsiia josparyn jáne Ýkraina aýmaǵynan ketkisi keletin azamattardyń tizimin ázirleýde. Ýkrainanyń áýe keńistiginiń jabylýyn eskere otyryp, ushý baǵyttary men baratyn jeri daiyndalýda.
Qolaily evakýatsiialaý joldaryna qatysty máseleler úshinshi elderdiń múddeli qyzmetterimen kelisilgendikten, Ózbekstan azamattary elshiliktiń www.uzbekistan.org.ua saitynda jáne áleýmettik jelilerde qosymsha habardar etilmek.
Ýkrainadan ketkisi keletin Ózbekstan Respýblikasynyń barlyq azamattary tólqujat málimetterin elshiliktiń embassy@uzbekistan.org.ua elektrondy mekenjaiyna jiberýleri tiis.
Biz Ýkrainadaǵy Ózbekstan azamattaryn tynyshtyqty saqtaýyn jáne qosymsha suraqtary bolsa elshilikke habarlasýyn suraimyz», - dep atap kórsetilgen diplomatiialyq ókildik habarlamasynda.
