Foto: instagram.com/mirziyoyev_sh
Alda Ózbekstanda ótetin referendým men Qazaqstanda ótken referendýmnyń basty aiyrmashylyǵy nede? Osy jáne ózge de suraqtarǵa Álemdik ekonomika jáne saiasat institýty (ÁESI) sarapshysy Ersultan Janseitov jaýap berdi, - dep habarlaidy Tengrinews.kz.
Ózbekstan prezidenti Shavkat Mirzieev el konstitýtsiiasyna ózgerister men tolyqtyrýlar engizý boiynsha referendým ótkizýdi usyndy. Túzetýler birqatar progressiv ózgeristi qamtidy, dep esepteidi saiasattanýshy.
"Jańartylǵan konstitýtsiia memlekette qolaily biznes-investitsiia ahýalyn aiqyndaidy, biznesti damytýǵa jaǵdaidy qamtamasyz etedi, ekonomikada monopoliiany boldyrmaidy, kásipkerlerge sheksiz mólsherde tabys alý quqyǵyn beredi. Sondai-aq, ólim jazasyna tyiym salý jáne azamattardyń jeke ómirine qol suqpaý quqyǵyn qamtamasyz etý usynylady", - dedi sarapshy.
Ersultan Janseiitov Ózbekstanda referendým ótkizý týraly sheshim Qazaqstandaǵy referendým ótken sońy 15 kúnnen keiin qabyldanǵanyna erekshe nazar aýdardy.
"Bul fakt Qasym-Jomart Toqaevtyń jalpyhalyqtyq referendým ótkizý týraly sheshiminiń tiimdiligi men ózektiligin moiyndaý jáne kórshimizdiń qazaqstandyq oń tájiribeni qabyldaýy dep túsindirýge bolady", - dedi ol.
Saiasattanýshy Qazaqstan men Ózbekstan referendýmyndaǵy aiyrmashylyqtarǵa da toqtaldy.
"Eger Qazaqstanda Konstitýtsiiaǵa túzetýler "sýperprezidenttik" respýblikadan kóshý, iaǵni prezidenttiń ókiletin Parlament paidasyna qysqartý maqsatynda engizilse, Ózbekstanda kerisinshe, ony keńeitý usynylyp otyr", - dedi Janseiitov.
Saiasattanýshynyń aitýynsha, osylaisha, prezidenttik ókiletti 5 jyldan 7 jylǵa deiin ulǵaitý kózdelip otyr.
"Sonymen qatar Prezidenttiń ókiletti Esep komiteti, Ulttyq bank jáne Antikor basshylaryn taǵaiyndaýǵa qatysty keńeiedi. Buǵan qosa, prezident Mirzieevtiń laýazymyn atqarý merzimi "jańaratyn" kórinedi", - dedi ol.
Taǵy bir mańyzdy jait, konstitýtsiianyń 74-babyna ózgertýler engizý - iaǵni jalpyhalyqtyq referendým nátijesi boiynsha Qaraqalpaqstandy Ózbekstannan bólinip shyǵý quqyǵynan aiyrý.
"Osyndai sheshim qabyldaýǵa túrtki bolǵan Ýkrainadaǵy jańadan qurylǵan "kvazimemlekettik" qurylymdardyń pretsedenti bolǵany anyq. Bul qazirgi keń aýqymdy halyqaralyq qaqtyǵysqa ákeldi. Aita ketý kerek, bul máselede Qazaqstan Birikken Ulttar Uiymyna múshe memleketter shekarasynyń myzǵymastyǵy men egemendigi qaǵidattaryn ustanady", - deidi maman.
Sońynda Ersultan Janseiitov Ózbekstanda josparlanǵan referendým búginde memleket aldynda turǵan ishki jáne syrtqy syn-qaterlerge jaýap ekenine senim bildirdi.
