Ózbekstan "koronavirýstyń omikron shtamy jyldam tarap jatqanyna bailanysty" 15 qańtardan bastap Qazaqstanmen shekarasyn ýaqytsha jabady. Bul týraly ólkeniń syrtqy ister ministrligi habarlady.
Mekeme málimetine qaraǵanda, bul shekteýler elge ushaqpen kelgen shetel azamattary men otanyna qaitqan ózbekstandyqtarǵa qatysy joq. Budan bólek shekaradan diplomattar men olardyń otbasy músheleri, qatty aýyryp jatqan nemese qaza bolǵan týystaryna kóńil aitýǵa barmaq bolǵan azamattar óte alady.
Sonymen birge Ózbekstanda turaqty turatyn qazaqstandyqtarǵa da shekara ashyq.
Al qyrǵyz-ózbek shekarasyna shekteýler engizilmeidi. Tek shekaradan ótetin azamattar 48 saǵattyń ishinde tapsyrylǵan PTR testiniń nátijesin kórsetýi tiis.
