IýNESKO-nyń dúniejúzilik muralar tizimine engen Ichan-qalada qumyrsqa búldirgen nysan joq. Ózbekstan týrizm jáne mádeni mura ministrliginiń Mádeni mura agenttigi osylai dep habarlady, dep jazady Azattyq.
Ótken aptada Zoologiia institýnyń direktory, biologiia ǵylymdarynyń doktory Bahtiiar Holmatov termitter Ichan-qala tarihi keshenindegi 33 tarihi eskertkishti búldirdi dep málimdegen edi.
Agentttiktiń habarlaýynsha, Ichan-qaladaǵy 58 tarihi eskertkishti termitterden saqtaý jumystary birneshe jyldan beri júrgizilip keledi. Oǵan Horezmdegi Mamýn akademiiasy kómektesip júr.
Akademiiadaǵy arnaiy zerthananyń ǵylymi qyzmetkerleri 34 eskertkishti qumyrsqa búldirgenin anyqtaǵan, nysandardy odan qorǵaý sharalary sol kezde bastalǵan.
"On jylda qumyrsqalar basqa nysandardy búldirmedi. Jumys nátijeli boldy" dep jazylǵan agenttik málimdemesinde.
Aqparatqa qaraǵanda, Ortalyq Aziia elderinde qumyrsqanyń tórt túri bar. Olar ǵasyrlar boiy Ózbekstandaǵy turǵyn úiler men sáýlet eskertkishterin búldirip júr.
