«Ózińnen basta» jobasy aiasynda qazaq tiline dýbliajdalǵan 30-shy film jaryqqa shyqqaly jatyr. «Istoriia igrýshek» / «Oiynshyqtar hikaiasy» animatsiialyq filmi osy jyldyń 20 maýsymynda jappai prokatqa jol tartady, dep habarlaidy "Ult aqparat" «Bolashaq» korporativtik qoryna silteme jasap.
Animatsiialyq film «Bolashaq» korporativtik qory jáne «Meloman» kompaniiasynyń bastamasymen «Ózińnen basta» jobasy aiasynda dýbliajdalǵan. Animatsiia astronavt Bazz, kovboi Výdi, it Slinki, tiranozavr Rekstiń qyzyqty oqiǵalary týraly baian etedi.
«Dýbliaj kastingine Nur-Sultan men Almatydan 50-den astam akter qatysyp, filmniń basty úsh saýndtregin belgili qazaqstandyq ánshi oryndady. Qazaq tilindegi úsh saýndtrektiń ekeýi Itunes qosymshasyna shyǵady. Alǵash ret filmge arnalǵan ázilderdi qazaqstandyq Kóńildi tapqyrlar klýby beiimdedi. Animatsiialyq trilogiiadan shyqqan debiýttik film 1995 jyly úlken ekranǵa shyqqan. «Oiynshyqtar hikaiasy - 4» alǵash ret qazaq tiline dýbliajdaldy. Onda Tom Henks, Enni Potts, Tim Allen, Kristina Hendriks, Kianý Rivz jáne Gollivýdtyń basqa da akterleri qazaq tilinde sóileidi», - delingen qordyń habarlamasynda.
Qazaq tilindegi dýbliaj rejisseri - Nazerke Lespekqyzy bolsa, aýdarmashy - Ásel Mamyrova, mátinderdi salýshy - Gúljan Saýyrtaeva.
«Ózińnen basta» - gollivýdtyq filmderdi qazaq tiline kórkemdik dýbliajdaý jobasy. 2011 jyldan beri «Bolashaq» korporativtik qory jáne «Meloman» kompaniiasynyń bastamasymen júzege asyp keledi. Áleýmettik joba, sondyqtan kommertsiialyq maqsatty kózdemeidi. Jobanyń arqasynda búginde 100-den astam otandyq akterler «Walt Disney Pictures» daýystyq bazasynda tur. Qazaq tili «Walt Disney» kompaniiasynyń tarihynda túrik tilinen keiin 39-shy jáne «Sony Pictures» úshin - 7-shi orynǵa jaiǵasty. Shyǵys Eýropa men TMD elderi úshin shyǵarylatyn Blu-Ray-de kórý úshin qoljetimdi gollivýdtyq filmderdiń 7 negizgi tilderine kirdi», - delingen habarlamada.
