Ótken táýlikte «Qazaviaqutqarý» tikushaqtarymen 5 adam, sonyń ishinde eki 2 sábi aýrýhanalarǵa jetkizildi, dep habarlaidy "Ult aqparat".
16 naýryzda QR TJM «Qazaviaqutqarý» óndiristik-dispetcherlik qyzmetine ulttyq shuǵyl meditsinany úilestirý ortalyǵynan naýqastardy shuǵyl tasymaldaýǵa kómek kórsetý úshin 5 jedel ótinim túsken.
Eldiń 5 óńirinde turaqty ornalasqan jerinen shaqyrtýǵa Eurocopter ES-145 jáne KA-32A11VS áýe kemeleri lezde ushyp shyqqan. Atap aitqanda, Shyǵys Qazaqstan oblysynda Aqjar aýylynan jańa týǵan náresteni, Ka-32A11VS áýe kemesimen Almaty oblysynda Úsharal qalasynan áieldi, Mańǵystaý oblysynda Jańaózen qalasynan náresteni, Pavlodar oblysynda Ekibastuz qalasynan qart er adamdy jáne Aqtóbe oblysy Hromtaý qalasynan qart áieldi tasymaldady.
«Barlyq naýqastar jedel meditsinalyq kómek kórsetý úshin aýrýhanalarǵa jetkizildi.
Naýqastardy tasymaldaý boiynsha barlyq ushýlar Ulttyq shuǵyl meditsinany úilestirý ortalyǵynyń meditsina qyzmetkerleri men «Qazaviaqutqarý» Tótenshe jaǵdailar ministrliginiń aviatsiialyq qutqarý bólimshesi ushqyshtarynyń úilesimdi jumysynyń arqasynda kúndizgi ýaqytta jáne oqys oqiǵasyz sátti aiaqtaldy», - dedi QR Tótenshe jaǵdailar ministrligi «Qazaviaqutqarý» baspasóz hatshysy Almaz Ǵabdýllin.
