QTJ Ýkrainadan Túrkiiaǵa astyq tasymaldamaq bolǵan qazaqstandyq kemege qatysty jańa málimdeme jariialady, - dep habarlaidy "Ult aqparat" kompaniia baspasóz qyzmetine silteme jasap.
"Keshe BAQ Ýkraina Bas prokýratýrasy júk kemesin ustap, qamaýǵa alý jóninde Túrkiiaǵa suraý salǵanyn habarlady. Bul ótinishtiń naqtylyǵyn Ýkrainanyń ýákiletti memlekettik organdary tekseredi. Eki eldiń elshilerimen belsendi konsýltatsiialar júrgizilip jatyr", - delingen habarlamada.
Buǵan deiin astyq satý mámilesi estoniialyq Mangelbert OU kompaniiasy men túrik tarapy arasynda júrgizilgeni habarlanǵan edi. Eýropada tirkelgen kompaniia mámileniń zańdy ekenin málimdep otyr. Jaǵdaidy túsindirý jáne halyqaralyq quqyq buzýshylyqtardy boldyrmaý maqsatynda QTJ kemeni jalǵa alýshyǵa barlyq rastaýshy qujatty (kelisimsharttar, kýálikter jáne t.b.) qosa bere otyryp, mán-jaidy jedel túrde egjei-tegjeili túsindirýdi surap hat joldady.
QTJ halyqaralyq quqyq normalaryn saqtaýǵa mindetti ekenin rastap otyr.
