Otbasymdy oilaǵandyqtan da vaktsina saldyrdym. Bul týraly Oral qalasynda turatyn ýchaskelik politsiia inspektory, politsiia maiory Álnur Muhametiarov málim etti, dep habarlaidy QazAqparat.
Onyń aitýynsha, búgin №4 qalalyq emhanada vaktsinanyń ekinshi komponentin qabyldaǵan.
Birinshi komponentin saldyrǵan kezde de densaýlyǵy qalypty bolǵan.
Álnur Bókenbaiuly ózin jaqsy sezinetinin jetkizdi. Ol M.Ótemisov atyndaǵy Batys Qazaqstan ýniversitetin zańgerlik mamandyǵy boiynsha bitirgennen keiin 2008 jyldan beri osy salada qyzmet atqaryp keledi eken. Qazir «Qurylysshy» shaǵynaýdanyndaǵy №15 ýchaskelik pýnktte.
«Bizdiń jumysymyz halyqpen bailanysty. Qyzmet babyna bailanysty túrli jerlerge baryp, adamdarmen jolyǵýǵa týra keledi. Sondyqtan indet juqtyrmaý úshin osyndai qadamǵa bardym. Onyń ústine otbasymda ata-anam birge turady. Zaiybym, úsh balam bar. Olardyń da densaýlyǵyn oilaý kerek. Shyny kerek, áleýmettik jeli arqyly vaktsinatsiiaǵa qatysty neshe túrli alypqashty áńgime kelip jatyr. Men oǵan senbeimin. Ekpe salý eń aldymen óziń jáne otbasyń qaýipsiz bolýy úshin qajet dep oilaimyn», dedi QazAqparat tilshisine Á.Muhametiarov.
