Nur-Sultan qalasynyń ákimdigi men «Atameken» UKP-pen birlesip, Qazaqstan Respýblikasy Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń qoldaýymen Kásipkerlik salasyndaǵy genderlik saiasattyń ózekti máseleleri, aimaqtyq áleýmettik baǵdarlamalar men «Nurly jer» turǵyn úi qurylysynyń memlekettik baǵdarlamasy, sondai-aq qiyn jaǵdaiǵa tap bolǵan otbasylarǵa kómek kórsetý suraqtaryn talqylady, dep habarlaidy QazAqparat.
Is-shara kelesi baǵyttardy qamtydy: «Otbasy qundylyqtaryn nasihattaý jáne otbasyn damytý», «Otbasy - qoǵamnyń negizi» jáne «Otbasy qaýipsizdigi».
Barlyq qatysýshylardy qarsy ala otyryp, qala ákiminiń orynbasary Baqtiiar Máken halyqty áleýmettik qoldaýǵa baǵyttalǵan jobalar týraly aityp berdi. Onyń aitýynsha, qalalyq ákimdik «Januia» otbasylyq institýtyn qoldaý ortalyǵyn qurý týraly sheshim qabyldady.
«Bul qurylymnyń qyzmeti ómirlik qiyn jaǵdaiǵa tap bolǵan otbasylarǵa kómektesýge baǵyttalǵan. Bilikti mamandar 7 baǵyt boiynsha keńes beredi: Open Space, densaýlyq saqtaý, bilim berý, qol jetimdi baspanamen qamtý, IKomek bazasynda Call-ortalyq, azamattardy áleýmettendirý baǵdarlamasy» - dedi Máken.
Halyqtyń áleýmettik osal toptary ókilderiniń qajettilikterine toqtalǵan QR Parlamenti Májilisiniń depýtaty Irina Smirnova memleket barlyq muqtaj adamdarǵa kómek kórsetýge tyrysyp jatqandyǵyn aitty. Onyń aitýynsha, búginde turǵyn úi, bilim berý jáne meditsinalyq qyzmetter salasynda kóptegen jumystar atqarylýda: turǵyn úi baǵdarlamalary júzege asyrylýda, oqytý granttary kóbirek bólinýde.
Aita ketý kerek, shara aiasynda uiymdastyrýshylar otbasylardyń áleýmettik-ekonomikalyq máselelerin sheshýge kómektesýge baǵyttalǵan aqparattyq-túsindirý jumystaryn júrgizdi.
Forýmǵa Qazaqstan Respýblikasy Prezidentiniń keńesshisi Maqsat Sqaqov, Qazaqstan Respýblikasy Eńbek jáne halyqty áleýmettik qorǵaý birinshi vitse-ministri Erjan Jylqybaev, Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń músheleri, Qazaqstan Respýblikasy Parlamenti Májilisiniń depýtattary, qoǵamdyq pen úkimettik emes uiymdar. jáne Nur-Sultan qalasynyń otbasylary da qatysty.
