«Otbasy – orta mektep» jobasy aiasynda jastardy tárbieleý ádistemeleri ázirlenip jatyr. Bul týraly Májilis depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy QazAqparat.
«Biyl «Otbasy – orta mektep» jobasy aiasynda pedagogter men ata-analar úshin ulttyq qundylyqtardy eskere otyryp, jastardy tárbieleý ádistemeleri qosymsha ázirlenýde. Sonymen qatar otbasylyq jáne ulttyq tárbieniń qundylyqtary balalardyń bos ýaqytyn, mádeni-buqaralyq is-sharalardy, jarystardy, synyp saǵattaryn, ata-analar jinalystaryn, úiirme jumystaryn jáne taǵy basqalaryn uiymdastyrý aiasynda iske asyrylady», - dedi Úkimet basshysy.
Premer-Ministrdiń atap ótýinshe, Qazaqstan Respýblikasy Eńbek kodeksiniń 71-babyna sáikes kúndelikti jumystyń uzaqtyǵy, onyń bastalý jáne aiaqtalý ýaqyty, jumystaǵy úzilister eńbek tártiptemesi qaǵidalarynda, eńbek jáne ujymdyq sharttarda belgilengen talaptardy saqtai otyryp aiqyndalady.
«Eńbek zańnamasynyń, onyń ishinde jumys ýaqyty rejimderiniń saqtalýyn baqylaýdy memlekettik eńbek inspektorlary táýekel dárejesin baǵalaý kriteriilerine jáne eńbek zańnamasynyń saqtalýyn2 tekserý paraqtaryna sáikes júzege asyrady. 2020 jyly memlekettik eńbek inspektorlary eńbek zańnamasynyń normalaryn túsindirý boiynsha 5 myńnan asa aqparattyq túsindirý jumystaryn júrgizdi», - dedi Asqar Mamin.
