QR Prezidenti Ákimshiligi Basshysynyń birinshi orynbasary Máýlen Áshimbaev Facebook-tegi paraqshasynda búkil álemdi jailaǵan koronavirýs pandemiiasyna qatysty oiymen bólisti. Sondai-aq, osy indetpen kúresip jatqan qazaq elin syn saǵatta judyryqtai jumylýǵa, birlik tanytýǵa shaqyrdy, dep habarlaidy "Ult aqparat".
«Qazir búkil əlemmen birge bizdiń elimiz de syn-saǵatyn bastan ótkerýde. Bul tyǵyryqtan shyǵý úshin Memleket basshysy aýqymdy sharalar qabyldaǵanyn bilesizder. Olar negizinen indetpen kúresýge jəne halyq pen biznesti qoldaýǵa arnalyp otyr. Soǵan səikes ortalyqta jəne óńirlerde tiisti jumystar qolǵa alyndy. Aldaǵy ýaqytta onyń bəri oń nətije beretinine eshqandai kúmən joq. Sondyqtan bizge dál qazir sabyr saqtaý kerek. Biz budan da qiyn kezeńderde saǵy synbaǵan halyqpyz. Ótken ǵasyrdyń ózinde alapat ashtyq pen dúnie júzin sharpyǵan sum soǵystan aman óttik. Sonyń bərin atalarymyz yntymaq pen tózimniń arqasynda eńserdi. Qandai qiyn-qystaý kez bolsa da birligimiz ben berekemizge esh syzat túsirgen joq. Qaita súringenge súieý, qulaǵanǵa demeý bolyp, judyryqtai jumyla bildi» dep jazdy ol.
Máýlen Áshimbaev qazir de dəl solai birigýimiz qajet ekenin, syndarly sətte baibalam salmai, qaita ult bolyp uiysýdy oilaýymyz keregin aityp ótti.
«Qazir de dəl solai birigýimiz qajet. Búginmen ǵana emes, bolashaqty oilap ómir súreiik. Memleket eshkimdi ash-jalańash qaldyrmaidy. Prezidentimizdiń tapsyrmasymen muqtaj azamattardyń bərine kómek kórsetiledi. Tek shydamdylyq tanytqan jón. Qashan da joqqa sabyr, barǵa qanaǵat etken halyq edik qoi. Sol qundylyqtarymyzdy joǵaltpaiyq. Osyndai syndarly sətte jaǵa jyrtyspai, baibalam salmai, qaita ult bolyp uiysýdy, ortaq iske jumylýdy oilaiyq. Təýelsizdiktiń, eldiktiń qadir-qasietine mən bereiik» dep jazdy Máýlen Saǵathanuly.
Qoldaý sharalaryn júzege asyrý kezinde tehnikalyq aqaýlardyń bolǵanyn tilge tiek etti. Aldaǵy ýaqytta ondai olqylyqtardyń qaitalanbaýy úshin jańa resýrstar iske qosylyp jatqanyn da atap ótti.
Odan bólek, Máýlen Áshimbaev pandemiiadan keiin búkil álemde úlken ózgeris bolady dep baǵamdady.
«Osy daǵdarystan keiin keibir basymdyqtardyń ózgeretini túsinikti. Tipti búkil əlem damýdyń jańa kezeńine qadam basady desek te artyq emes. Sol sátte bizge osaldyq tanytýǵa bolmaidy. Osyndai kezde əlsiz tustarymyz da kórinip jatyr. Solardy jetildirýimiz kerek. Sonyń bərin eskerip, Memleket basshysy meditsina, bilim berý, tsifrlandyrý salalaryn damytý úshin naqty mindetter júktep otyr. Iaǵni, daǵdarystan keiin osy baǵyttardy jandandyrýǵa basymdyq beriledi. Ekonomikany ərtaraptandyrýǵa erekshe kóńil bólinedi. Prezident budan basqa da naqty jumystardy qolǵa alýdy tapsyrdy. Sonyń bəri óz jemisin berý úshin birligimizdi kúsheiteiik», - deidi QR Prezidenti Ákimshiligi Basshysynyń birinshi orynbasary.
Sondai-aq, Máýlen Áshimbaev halyqty syn sátten synbai, laiyqty eńsere bilýge, bir úidiń balasyndai, bir qoldyń salasyndai bolyp, Prezidentimizdiń qasyna toptasýǵa shaqyrdy.
«Halqymyz «kóppen kórgen – uly toi» deidi. Bul synaqpen tek biz emes, búkil jahan jurty betpe-bet kelip otyr. Sondyqtan eńsemizdi túsirmeiik, el ekenimizdi esten shyǵarmaiyq. Qandai dúrbeleń bolsa da moiymai, mort synbai, laiyqty eńsere bileiik. Biz – rýhy myqty halpyqpyz. Azamattarymyzdyń keshegidei ənuran shyrqap, bekem birliktiń ozyq úlgisin kórsetýi soǵan dəlel. Elimizdiń barlyq óńirinde belsendilik tanytyp júrgen volonterlerdiń de eren eńbegin eleýsiz qaldyrýǵa bolmaidy. Aramyzda óz erkimen əskerge barǵysy keletinderdiń de qatary qalyń ekeni qýantady. Endeshe, qazirgidei qiyn shaqta bir úidiń balasyndai, bir qoldyń salasyndai bolyp, Prezidentimizdiń qasyna toptasaiyq. Sonda osy synaqtan súrinbei ótip, kózdegen maqsattarymyzǵa qol jetkizemiz. Elimiz aman, jurtymyz tynysh bolyp, Qazaq eli məńgi jasasyn!» dep túidi sózin ol.
