Oblys ortalyǵynda «Táýelsiz Qazaqstan» poezdynyń delegatsiiasyn saltanatty túrde qarsy aldy. El Táýelsizdiginiń 25 jyldyǵyna arnalǵan aktsiia aiasynda túrli sala mamandary turǵyndarmen kezdesý ótkizip, meditsinalyq, áleýmettik jáne zańdyq kómek kórsetedi, sondai-aq kásipkerlik, aýyl sharýashylyǵy suraqtary boiynsha keńes beredi.
Temir jol vokzalynda qurmetti meimandardy qarsy alý úshin qala basshylyǵy, etnomádeni birlestikter, úkimettik emes uiymdar ókilderi, qala jastary arnaiy keldi.
– Búginde Óskemen Shyǵys Qazaqstannyń qarqyndy damyp kele jatqan indýstrialdy, óndiristik, ǵylymi jáne mádeni ortalyǵy. Bizdiń qalamyzǵa qol keldińizder! Sizderdi el Táýelsizdiginiń 25 jyldyǵy qarsańynda qarsy alý- biz úshin úlken qýanysh. Osy jyldar aralyǵyna qazaqstandyqtar Ult Kóshbasshysymen birge tarihi damý kezeńinde úlken jetistikterge jetip, qýatty Qazaqstannyń irgesin qalady. Halyq múddesine baǵyttalǵan igi isterińizde sáttilik tileimiz, – dedi Óskemen qalasy ákiminiń orynbasary Olga Býlavkina.
Poezd quramynda 250 maman keldi, onyń 72-si dáriger, 7 ministrliktiń ókilderi, 3 ulttyq kompaniia ókilderi. Mamandar Óskemen qalasynyń barlyq áleýmettik toptaryn qamtyp, UOS ardagerleri, halyqtyń az qamtylǵan bóligine, shalǵai yqsham aýdandar turǵyndaryna basty nazar aýdarmaqshy.
- Biz Óskemen qalasy degende, eń aldymen dostyqtyń altyn besigi, óndiris ortalyǵy kendi Altaidy eske alamyz. Biz Elordasy Astanadan Táýelsizdiktiń 25 jyldyǵynyń quttyqtaýy men ystyq sálemin ala keldik. Bizdiń saparymyzdyń maqsaty tek nasihat, Táýelsizdik jetistikterin aitý ǵana emes, eń bastysy halyqqa qajetti kómek kórsetý, - dedi poezd shtaby basshysy Ámirjan Alpeisov
Ministrlikter ókilderi Óskemen qalasyna kelisimen azamattardy qabyldaýǵa kiristi. Munda óskemendikter áleýmettik, zańdyq, aýyl sharýashylyǵy boiynsha óz saýaldaryn tikelei qoiýǵa múmkindigi bar.
№2 qalalyq aýrýhana jáne Ana men bala ortalyǵynda dárigerler eresekter men balalardy qabyldaý júrgizedi. Meditsina mekemelerinde nevrolog, nefrolog, ýrolog, gematolog, travmotolog, revmatolog, pýlmonolog, pediatr, gastroeneterolog, angiohirýrg, kardiolog, oftalmolog, onkolog, hirýrg mamandary turǵyndarǵa qyzmet kórsetedi.
Sondai-aq, «aqparttyq-túsindirý jumystary boiynsha arnaiy blok josparlanǵan: 25 jyldyń belesteri» atty qoǵam ókilderi men jastar qatysýymen Qazaqstan Táýelsizdiginiń 25 jyldyǵyna arnalǵan lektsiia-prezentatsiia, «Beibitshilik pen kelisim – Qazaqstan brendi» taqyrybyndaǵy kezdesý ótkiziledi.
