Dinimiz ben dilimiz bólek bolsa da, "Otanymyz - ortaq, tilegimiz - bir" dep sanaityn Óskemendegi "Rating" jaýapkershiligi shekteýli seriktestiginiń direktory Dmitrii Levitanýs oblystyq "Halifa Altai" meshitinde 500 adamǵa arnap aýyzashar berdi, dep habarlady altaynews.kz.
Oǵan qasietti Ramazan aiynda aýyz bekitken jandar jinaldy.
"Júz otyzdan astam ulttyń ókili bir shańyraq astynda tatý-tátti ómir súrip jatyrmyz. Jeke basym, Qazaq elinde turyp jatqan barlyq etnos ókiliniń ustanǵan ustanymy men nanym-senimin qurmetteimin. Ásirese on eki aidyń sultany Ramazan aiynda oraza tutqan halyqtyń shydamdylyǵyna tántimin. Teginde el birligi men yntymaǵyn nyǵaita túsetin osyndai dini merekelerdi tabiǵat-ananyń ózi de erekshe súietin bolsa kerek. Ony aýa raiyna qarap-aq baiqaýǵa bolady. Jalpy, men musylman dostarymnan aýyzashar berýdiń saýaby mol dep estigen edim. Sondyqtan osyndai qadamǵa bardym", — deidi Dmitrii Levitanýs.
Aýyzasharda oblystyq "Halifa Altai" meshitiniń imamdary jamaǵatqa arnap orazanyń paidasy men ustaý qaǵidalary jóninde keńinen áńgimelep berdi.
Bul kúni meshitke jinalǵan qaýym Dmitriidiń saýapty isine dán riza bolyp, oǵan jyly lebizderin bildirip jatty.
"Dini bólek bolǵanyna qaramastan, musylman qaýymǵa arnap dastarqan jaiǵan Dimaǵa alǵys aitamyn. Eńbegi jemisti bolsyn", — deidi Mádina Aqtanova.
