Óskemen qalasyndaǵy meiramhanalardyń birinde karantin shekteýine qaramastan toi jasaǵandar anyqtaldy, dep habarlaidy "Ult aqparat".
ShQO taýarlar men qyzmetterdiń sapasy men qaýipsizdigin baqylaý departamentiniń málimetine súiensek, reid júrgizgen mobildi top «Kókjal» meiramhanasyna barǵan.
Alaida departament ókilderi, ákimdik qyzmetkerleri men tártip saqshylary ishke kire almai qoidy.
6 saǵat boiy ishten qulyptanyp turǵan meiramhanadan syrtqa eshkim shyqqan joq. Tek qonaqtardyń biriniń densaýlyǵy nasharlap ketip, oqiǵa ornyna jedel járdem kelip jetkende ǵana esik ashyldy. Qonaqtardyń keibireýi terezeden sekirip qashqan.
«20 qyrkúiek kúni «Kókjal» meiramhanasynda toi jasaǵandar tirkeldi. Bul Shyǵys Qazaqstan oblysynyń bas memlekettik sanitar dárigeriniń qaýlysyn buzý. Departament barlyq foto jáne beinematerialdardy zerttep, tiisti sharalardy qabyldaidy», - deidi ShQO taýarlar men qyzmetterdiń sapasy men qaýipsizdigin baqylaý departamentiniń bas mamany Quralai Dúzgimbaeva.
