Óskemen qalasynda páterden 19 mln teńgeniń múlkin urlaǵan úsh adam ustaldy, dep habarlaidy QazAqparat.
Qalalyq politsiia basqarmasy baspasóz qyzmetiniń málimetine súiensek, tártip saqshylaryna habarlasqan turǵyn páterin belgisiz bireýlerdiń tonap ketkenin jetkizdi.
Esikti buzyp ishke kirgen olar 19 mln teńgeniń múlkin urlap ketken.
«Atalǵan fakti boiynsha dereý QR QK-niń 188-baby 4-bóligine sáikes (asa iri kólemde jasalǵan urlyq) tergeý amaldary bastaldy. Izdestirý sharalary barysynda 3 kúdikti ustaldy. Olardyń biri Jarma aýdany Jańaózen aýylynyń 47 jastaǵy turǵyny bolsa, 36 jastaǵy ekeýi - Óskemen turǵyny. Er adamdar óz kinásin tolyq moiyndap otyr», - dedi basqarma bastyǵy Andrei Mýla.
Tergeý barysynda kúdiktilerdiń biriniń saiajaiynda zańsyz saqtalǵan qarý anyqtaldy.
Tintý júrgizgen politseiler 9 mm kalibrli tapansha men úsh oq tapqan. Zaýyttyq ádispen jasalǵan qarý atýǵa jaramdy.
Qazirgi ýaqytta sotqa deiingi tergeý amaldary jalǵasyp jatyr.
